Rashica nis negociatat me klubin e Serisë A

Futbollisti shqiptar, Milot Rashica po performon shumë mirë me skuadrën e Verder Bremen, në Bundesligë.

Rashica shënoi gol në ndeshjen e fundit të klubit, duke ndihmuar ekipin të marrë një fitore shumë të rëndësishme.

Verder Bremen e evitoi rënien nga kategoria por do të luajë në Play Off. Nëse Verder Bremen qëndron në Bundesligë edhe sezonin tjetër, vlera e kartonit të sulmuesit shqiptar mund të rritet.

Në fillim u përfol se 24-vjeçari do të zëvendësonte Vernerin tek Lajpcigu, por duket se së fundmi ka shfaqur interes edhe Napoli.

Te kjo e fundit, Rashica do gjente edhe shokun e tij te kombëtarja e Kosovës, Rrahmanin që sezonin tjetër do veshë fanellën ngjyrë blu. Gjithashtu do të gjente edhe mbrojtësin e kombëtares shqiptare, Hysaj.