Ministrja e Shëndetësisë, Ogerta Manastirliu, ka bërë një thirrje të fortë, pas ndarjes nga jeta të mjekut të njohur Arjan Pushi. Teksa e demostron me anë të fotove, ministrja thotë se njekët dhe infermierët mbeten aseti ynë më i çmuar, në vijën e parë të përballjes me koronavirusin. Manastirliu kërkon që ne të gjithë bashkë, të kufizojmë përhapjen e COVID-19, duke respektuar rregullat e thjesha të higjienës, vendosjen e maskës dhe distancimin fizik.
Statusi
“Mjekët dhe infermierët, aseti ynë më i çmuar janë sot e gjithë ditën në vijën e parë të përballjes me #COVID19. Jo vetëm në spitalin infektiv, por kudo ku ata shërbejnë, nga qendrat shëndetësore në spitale, #vijojnë të jenë të pajisur me mjetet e mbrojtjes personale, si ditën e parë të epidemisë, duke ofruar shërbime për çdo qytetar në nevojë, me rihapjen e sistemit shëndetësor.
T’i ndihmojmë të gjithë bashkë, të kufizojmë përhapjen e #COVID19, duke respektuar rregullat e thjesha të higjienës, vendosjen e maskës dhe distancimin fizik!
#TëMbrojmëSisteminShëndetësor
Bashkë kundër 🤜#COVID19🤛”.
Mjeku Arjan Pushi ndërroi jetë pasi disa ditësh “betejë” me pandeminë e koronavirusit. Kolegët e tij e konfirmuan lajmin që dje, por u mohua nga vetë Ministrja e Shëndetësisë, Ogerta Manastirliu. Lajmin për ndarjen e tij nga jeta u konfirmua vetëm paraditen e sotme.
