Raporti i fundit i organizatës Freedom House në lidhje me aktualitetin, ecurinë dhe aspiratat e Shqipërisë për të bërë hapa përpara në politikë por edhe më gjerë kanë ngelur në vend numëro. Sipas kësaj organizate politika është e kapur me krimin dhe korrupsionin në institucionet ligj zbatuese. Një “tërheqje veshi” për Kryeministrin Rama i cili pretendon se situate politike dhe raporti me korrupsionin është ulur ndjeshëm.
“Strategjia e qeverisë kundër korrupsionit u përqendrua pothuajse ekskluzivisht tek korrupsioni administrativ dhe neglizhoi korrupsionin politik dhe publik-privat, si kapja e shtetit”, thotë raporti që thekson se “institucione kyçe të anti-korrupsionit si Prokurorja e Përgjithshme e Përkohshme, Kontrolli i Lartë i Shtetit dhe Inspektori i Përgjithshëm i Deklarimit dhe Kontrollit të Pronave dhe Konfliktit të Interesave nuk patën pavarësi pasi janë zgjedhur me shumicë të thjeshtë parlamentare të së njëjtës parti që u duhet ta kontrollojnë”, shkruhet në raport. Po ashtu shkruan se Presidenti i Republikës është një poilitikan i korruptuar.
Ndërkohë, citon se Partia Demokratike ishte bllokuese në Reformën e drejtësisë. Bojkotimi i parlamentit nga opozita dëmtoi gjithashtu edhe reformën e drejtësisë, pasi Partia Demokratike nuk i paraqiti tre kandidaturat e veta në Komisionin Parlamentar përgjegjës për përzgjedhjen e anëtarëve të organizmave që do të kishin përgjegjësinë të kontrollonin figurat e gjykatësve dhe prokurorëve.
Sa i përket se çfarë parashikohet në vitin 2018-të nënvizohet se mundësitë që të ketë përmirësime dhe ecuri pozitive në sistemin gjyqësor ose në të kundërt do të kemi një autoritarizëm në institucionet shtetërore. Sipas Freedom House, 2018-a paraqet mundësi për përmirësimin e qeverisjes në Shqipëri, por edhe rrezikun e autoritarizmit.
“Me një shumicë të gjerë, Partia Socialiste në pushtet dhe kryeministri i saj kanë një shans të vërtetë për të kryer reforma të rëndësishme, që kanë mundësinë të ulin korrupsionin në sistemin gjyqësor dhe ryshfetet në administratën publike, dhe njëkohësisht të përmirësojnë qeverisjen e mirë. Nga ana tjetër, kontrolli i plotë që ka kryeministri Rama mbi Partinë Socialiste dhe shumica e konsiderueshme që ai ka në parlament, e kombinuar me një kontroll të fortë mbi ekzekutivin, mund t’u hapë rrugën prirjeve autoritare që mund t’i vendosin institucionet shtetërore nën kontrollin e kryeministrit”, vijon raporti.
https://tiranatoday.com/trondit-freedom-house-rama-ka-bere-zap-vendin-meta-simbol-i-korrupsionit/
