Ish-ministri i Drejtësisë, Ylli Manjani, ka reaguar ashpër ndaj ndërkombëtarëve, duke ju drejtuar atyre me emër, në lidhje me raportin e OSBE/ODIHR-it për zgjedhjet e 30 qershorit.
Manjani e nis së pari me shefin e OSBE-së në Tiranë, Bernd Borchardt, të cilin e pyet me anë të një postimi në Facebook, nëse ka ndonjë fjalë për të thënë për raportin.
Mjaft i drejtëpërdrejtë në qëndrimin e tij, ai iu kujton ndërkombëtarëve se po mbrojnë zgjedhjet që janë anti-demokratike.
Statusi
Ore po ky Boschart, shefi i Prezencës së OSBE, ka ndonjë fjalë të thotë për raportin e ODIHR?
Na hapi barkun para votimeve duke legjitimuar monistët në çdo hap që bënin drejt budallëkut.
E njëtja pyetje vlen edhe për Soreccën, Leylën e madje edhe për Palmer-in.
Ku jeni?
Pse s’flisni?!
Mbrojini votimet moniste, anti-kushtetutë, anti-ligj e mbi të gjitha anti-demokratike!
Mbrojini dhe vijoni të fajësoni opozitën, që qeveria vodhi edhe votat e veta, megjithëse pa garë!!!
