Pas thirrjeve të vazhdueshme që qytetarët të ndërgjegjësohen se koronavirusi nuk është një shaka, por është luftë me jetën, kryeministri Rama ka zgjedhur që të dalë vetë në terren dhe të monitorojë situatën.
Policia e Shtetit, edhe në deklaratën e fundit bëri me dije se ka ende nga ata qytetarë të cilët abuzojnë. Por Ramës duket se i ka humbur durimi, ndaj ka dalë në terren.
Në statusin e radhës në Facebook, ai shprehet se në disa tregje të Tiranës situata është përmirësuar, ku njerëzit zbatojnë me rigorozitet distancën.
Por problem mbeten pensionistët, të cilët dalin nga banesat e tyre, pa e kuptuar rrezikun që i kanoset. Rama edhe një herë tjetër i mëshon fort faktit se maskat e dorashkat nuk janë për kalimtarët, po për të sëmurët.
Kalimtarët, pa përjashtim duhet të respektojnë rregullat, sidomos distancën 1m, mosdhënien e dorës, përdorimin e gropës së brrylit nëse teshtijnë apo kolliten.
Statusi
? SOT NË DiSA TREGJE TË TIRANËS KU SITUATA ISHTE MJAFT POZITIVE
? PROBLEM PENSIONiSTËT QË DALIN NGA SHTËPIA, ÇKA ËSHTË E NDALUAR, SEPSE SHKALLA E RREZIKUT PËR TA ËSHTË SHUMË E LARTË
? RESPEKT MAKSIMAL PËR RREGULLAT DHE DURIM, DURIM, DURIM
*** dhe duke qenë se ju njoh mirë, po i dal përpara duke ju thënë aman, mos më shkruani ku e ke maskën e pse s’ke dorashka?
E e kemi pērsëritur që maska e dorashkat nuk janë për kalimtarët, po të sëmurët, ata që kujdesen për një të sëmurë apo ata që e kanë punën me mundësi kontaktesh të afërta në tërësi…
Kalimtarët mjafton të respektojnë rregullat, sidomos distancën +1m, mosdhënien e dorës, përdorimin e gropës së brrylit nëse teshtijnë apo kolliten dhe janë të mbrojtur ?
