Kryeministri Edi Rama paralajmëroi Presidentin e Serbisë, Aleksandër Vuçiç se do t’i dërgojë notë verbale, nëse nuk kërkon ndjesë për deklaratat e ministrit të tij të Mbrojtjes, Alekasandër Vulin, i cili përdori ndaj shqiptarëve termin fyes “shqiptarima” dhe tha se po krijohet “Shqipëria e Madhe”.
Në një konferencë për mediat nga selia e kryeministrisë, Rama tha se Ministria e Jashtme ka vijuar procesin dhe do thirret ambasadori për t’i vënë notën verbale.
Sipas Ramës, Ministri serb i Mbrojtjes, Aleksandër Vulin është një fatkeqësi natyrore.
“Pres një ndjesë nga presidenti. E kuptoj që mund të mos ketë fuqi mbi atë fatkeqësi, por atë fatkeqësi duhet ta mbajë për vete. Ministria e Jashtme ka vijuar procesin, është thirrur apo do të thirret ambasadori serb për t’i vënë notë verbale shtetit serb, për t’iu bërë të qartë se asnjë gojë e shthurur nuk mund të lëndojë qeverinë e Shqipërisë apo figurën e një ministri apo të kryeministrit të Shqipërisë. Një fatkeqësi natyrore nga qeveria e Serbisë nuk e mbaj dot, ta mbaj ai që e ka atje dhe t’i kërkojë ndjesë Shqipërisë”, tha Rama.
🔎 EKONOMIA NË FOKUS• Rritja e Pagave për bluzat e bardha dhe arsimtarët në 1 janar 2021 është rezultat konkret i përpjekjeve të mëdha për të rritur mundësitë e Shqipërisë në shpërblimin e punës😍Më e mira është ende përpara nesh dhe më e keqja ka kaluar👍#ShëndetësiaqëDuam👩🏻🔬#ArsimiqëDuam👨🏻🎓#ShqipëriaqëDuam🇦🇱☀️
Publiée par Edi Rama sur Mardi 6 octobre 2020
