Kryeministri Edi Rama ka konfirmuar Erion Veliajn si kandidat për kryebashkiak, teksa ka komentuar edhe Primaret e Sali Berishës. I ftuar në emisionin “Real Story” të Sokol Ballës, kreu i qeverisë Edi Rama ka konfirmuar se Erion Veliaj do të jetë kandidati i socialistëve për Bashkinë e Tiranës, në zgjedhjet e 14 majit 2023.
Rama tha se Veliaj do të fitojë ndaj çfarëdolloj kandidati që do të dalë nga Primaret e Partisë Demokratike.
“Nuk e di a është Erioni apo jo kandidat, por di që Erioni do jetë kryetar Bashkie, ç’a do lloj pjellë të nxjerrin pseudo Primaret, Erioni do e shkrijë”, tha Rama në “Real Story”.
PD do të zhvillojë fillimisht Primaret për të nxjerrë emrin e kandidatit zyrtar. Ndërkohë në garë janë Belind Këlliçi, Gert Bogdani dhe Ilir Alimehmeti.
