Avokatja Adriana Kalaja është demokratja e katërt që do të futet në primaret e Partisë Demokratike për Bashkinë e Tiranës.
Avokatja dhe anëtarja e Këshillit Kombëtar të Partisë Demokratike, Adriana Kalaja, ka njoftuar kandidimin e saj për Primaret e Tiranës.
Me anë të një njoftimi zyrtar nga zyra e shtypit të PD-së, është bërë me dije se sot në orën 11:15, kryetaja e Gjykatës së PD-së do të prezantojnë planin e saj për kryeqytetin.
“Në orën 11:15, avokatja Adriana Kalaja do të prezantojë kandidaturën për Primare për Bashkinë e Tiranës”.
Tashmë janë 4 kandidatë që kanë dorëzuar kërkesën e tyre në selinë blu, për përfshirjen në garë. Bëhet fjalë për deputetin e PD-së Belind Këlliçi, mjeku Ilir Alimehmeti dhe ish-deputetët Kujtim Gjuzi dhe Gert Bogdani. Procesi i Primareve do të nxjerrë emrin fitues mes demokratëve, i cili do të kandidojë përballë kandidatit të Partisë Socilaliste; kryebashkiakut Erion Veliaj në zgjedhjet e ardhshme lokale të 14 majit 2023.
