Kreu i grupit parlamentar socialist, Taulant Balla, ka shuar zërat ndaj atyre që kishin kureshtje ndaj lëvizjes së Ramës sot. Ai tha kryeminsitri Rama përmbyll një nga marrëveshjet më të mëdha të Rindërtimit në Dubai. Sot kreu i qeverisë mungon në Kuvend pasi është nisur në Dubai, i shoqëruar nga ministri për Rindërtim, Arben Ahmetaj. Duket se kreu i qeverisë do të bëjë një marrëveshje përmbyllëse, që sipas Sekretarit të Përgjithshëm të PS, është nga më të mëdhatë.
“Rama po përmbyll një nga marrëveshjet më të mëdha të Rindërtimit, që në kushte e kohë të vështira duhen njerëz të fortë, që dinë të drejtojnë. Shqipëria e ka ekipin, me në krye Ramën. Do i qëndrojmë angazhimit tonë, faleminderit”, tha ai.
Balla nuk i ka kursyer sulmet për opozitën, dhe kryedemokratin Lulzim Basha. “26 nëntori 2019 la pas 51 persona. Më shumë se 100 vende dhe organizma, financuan, ofruan miliarda euro, tashmë që kemi mundësi të shohim me qetësi, duket e pamundur se si mund t’ju jepet strehë në kohë rekord mijëra familje.
Ne u thamë çdo familjeje, ti nuk do të jesh vetëm dhe e përballuar me shumë dinjitet dhe përgjegjësi dhe pse nuk ishim përballuar më parë një një situatë të tillë dhe nga pandemia, do duhet t’i mbajmë mend sesi rrallë herë u bëmë bashkë.
Edhe pse ndonjë hienë nuk e zgjati shumë solidaritetin. Na u desh të përballemi me hienat që tentuan që të ngjallin mosbesim, që folën për zi e humbje shprese e që kulmoi me klithma fill pas suksesit të konferencës së donatorëve, teksa në botë dhe në Shqipëri po mbërrinte një fatkeqësi tjetër.
Të gatshëm që të përdorin një fatkeqësi, por gjatë këtij një viti në Shqipëri, përveç luftën me virusin dhe rindërtimin, por zhvillohet dhe një betejë që po tentojnë të hapin Kasandrat e opozitës në rrugë. Lulzim Basha i vetmi shqiptar që u zgjua nga tërmeti me dy vila, flet me lot krokodili se i kanë lënë në harresë, ndërsa me pandeminë kanë shkuar deri në makabritet duke folur për shifra në morgje e duke abuzuar nga divanat.
Në fillim të pandemisë kundërshtoi çdo thirrje për të qëndruar në shtëpi, dhe për të larë duart, u bënin thirrje shqiptarëve për të mos larë duart se thotë Rama, pastaj tha se duhen teste masive, ndërkohë që OBSH i hodhi poshtë. Basha nuk paska pasur as pikë turpi, as respekt e as kufi morale as për viktimat e tërmetit dhe pandemisë, se të sulmosh mjekët besoj që Luli nuk do i harrojmë kurrë. Rindërtimi një proces shembullor”, tha Balla.
