Në emisionin “Dritare me Rudinën”, ish-deputeti Enkelejd Alibeaj deklaroi se kryeministri Rama u ka çuar policëve një sms, ku u premtonte se do të merrnin orët jashtë orarit, si dhe faktin që Vettingu në polici nuk do të bëhej. Ky fakt i denoncuar nga Alibeaj është kundërshtuar nga zv/ministri i Brendshëm, i cili ishte gjithashtu i ftuar në emision. Ai shtoi më tej se policët janë të frikësuar për mbajtjen e vendit të punës.
“Policia duhet të zbatojë ligjin. Dy orë më parë, FNSH-ja dhe policia shkuan tek Unaza e Re, ku ndodhen qytetarët që protestojnë. Pra, jam dakord me faktin që policia duhet mbështetur, duhet lënë e qetë në punën e saj, por e dini ju që policët e rolit bazë janë të frikësuar për punën e tyre?
Atyre nuk iu paguhen orët shtesë, madje para protestës iu çohet një sms; shpërndahuni me kujdes se orët shtesë do i merrni dhe Vettingu nuk do bëhet. Ua çoi kryeministri Rama”.
