Kryeministri Edi Rama e ka nisur mëngjesin e sotëm me një urim për 8 mars, Ditën Ndërkombëtare të Gruas.
Ai ka shpërndarë një video në ‘Facebook’, ku pasqyrohet qeveria shqiptare ndër vite, e cila në fillimet e saj nuk nuk ka pasur asnjë grua pjesë të saj. Me kalimin e viteve, kontributi i dhënë nga to ka ndryshuar, duke pasqyruar një tjetër realitet.
Tashmë vendimarrje nga ana e tyre është më e madhe, dhe më e plotësuar në krahasim me burrat. Sikundër duket edhe krahasimi ndër vite me shifrat, gratë janë shtuar. Aktualisht numri i tyre në qeverisje ka arritur në 50% me burrat.
8 marsi njihet si “Dita e Gruas”, në të gjithë botën. Madje në shtete të ndryshme kjo ditë festohet si festë kombëtare. Kjo ditë shërben jo vetëm për bashkimin e grave pa dallim feje, race, kulture, gjuhe dhe prejardhje, por edhe për të kujtuar përpjekjet për barazi, paqe, drejtësi dhe ndërtim.
