Kryeministri Edi Rama në Burrel iu ka bërë thirrje qytetarëve që të shpëtojnë Shqipërinë dhe Partinë Demokratike nga çadra. Ai ju ka kujtuar atyre se ishte ai që e nxori Lulin nga çadra dhe ju a kishin borxh, por si shlyerje të borxhit ai u kërkon demokratëve që të shpëtojnë veten dhe Shqipërinë nga Luli sepse ai sipas Ramës nuk mban dot veten jo më qeverisjen e vendit.
“Duke zgjedhur PD-në jeni duke bërë zgjedhje për të futur njerëz në punë. Ne duam një mandat shumë të fortë që ta mbajmë ne timonin, që të mos vazhdojmë historinë me forca të tjera në prehër që të luaj timonin rrugës dhe të jemi në që drejtojmë jo për më shumë pushtet për vete.
Po të ishte për më shumë pushtet për vete nuk i nxirrnim fare nga çadra ata. Lulin e kishit akoma në çadër atje. Merrnim 100 deputet në zgjedhje, edhe kush ishte si ne. Por kjo do të ishte e dëmshme për vendin.
Dhe mbi të gjitha kjo për ne ishte e dhimbshme sepse nuk duam për vëllezërit dhe motrat tona që janë njerëz të zakonshëm, që janë fqinjët tuaj, që kanë qindra probleme, por që mendojnë ndryshe nga ne, të mbeteshin jashtë zgjedhjeve. Ne i dhamë mundësi të gjithëve në zgjedhje. Ju a nxorëm Lulin nga çadra dhe e shpëtuam, këtë na e keni borxh, tani është radha juaj që të shpëtoni Shqipërinë nga Luli dhe nga udhëheqja e partisë tuaj sepse nuk është ne gjendje të rri në këmbë vetë dhe vetëm dhe jo më të qeverisi Shqipërinë”, tha Rama.
