Kryeministri Rama ka përcjellë rregullat e reja që kanë hyrë në fuqi sot, lidhur me menaxhimin e situatës nga koronavirusi vdekjeprurës.
Në postimin e tij të radhës, kreu i qeverisë njofton se të gjithë qytetarët të cilët kërkojnë që të marrin leje për arsye shëndetësore, do të realizohet në e-Albania.
Por çfarë duhet të disponojë qytetari, që të mos përballet me gjoba nga ana e policisë? Rama sqaron të gjithë këtë procedurë, duke iu kujtuar se duhet të kenë me vete një dokument mjekësor për vizitën.
Pacientin e sëmurë mund ta shoqërojë vetëm një prej familjarëve. Autorizimi vlen vetëm për rrugën shtëpi-qëndër shëndetësore-shtëpi.
Njoftimi
NGA SOT NË www.e-albania.al EDHE LEJE – DALJET PËR ARSYE SHËNDETËSORE?
?KUJDES! QYTETARI DUHET TË KETË ME VETE NJË DOKUMENT MJEKËSOR PËR VIZITËN!
? QYTETARIN MUND TA SHOQËROJË VETËM NJË PERSON TJETËR!
? AUTORIZIMI VLEN VETËM PËR RRUGËN SHTËPI-QENDËR SHËNDETËSORE-SHTËPI
? NDIQNI PROCEDURËN E THJESHTË NË E-ALBANIA ?
Aplikimi do të kryhet përmes shërbimit ONLINE “Leje per dalje“ për arsye shëndetësore, në e-Albania
– Identifikohuni në portalin e-Albania përmes llogarisë tuaj
-Klikoni shërbimin “Leje për Dalje”
-Zgjidhni opsionin “Leje për arsye shëndetësore”;
-Shkruani saktë daten, orën e lëvizjes dhe itinerarin me destinacionin përkatës
Në rastet kur lëvizja për arsye shëndetësore do të bëhet me automjet:
-Nëse mjeti është në pronësinë tuaj, do t’ju shfaqet direkt në listë.
Nëse jo, ju mund të shtoni manualisht të dhënat e mjetit: Targën dhe numrin e shasisë së tij
Dhe shtypni “Dërgo” për të përfunduar aplikimin
Miratimi do të dërgohet në adresën e-mail dhe në numrin e telefonit të regjistruar në portal.
Kërkesa për leje për arsye shëndetësore bëhet vetëm në e-Albania
? Ata, që lëvizin pa lejen nga e-Albania dhe nuk zotërojnë dokument mjekësor për të justifikuar leje-daljen për arsye shëndetësore, kryejnë një shkelje që ndëshkohet në bazë të Aktit Normativ dhe masave të reja në Kodin Penal!
