Pas tërmetit tragjik të 26 nëntorit, Shqipëria po përballet me fazën e rindërtimit.
Kryeministri Edi Rama ka ndarë me qytetarët në orët e para të ditës fjalët e shenjta të Kuranit, në një mesazh solidariteti.
“Çdo kohë është e humbur përveç kohës kur mbjell mirësi, t’i shërbesh popullit tënd është mirësia më e madhe!”, citon kryeministri Rama fjalët e Kuranit.
Aktualisht po vijon puna me verifikimin e dëmeve në objekte, ndërsa të pastrehët që la pas tërmeti janë sistemuar në struktura hoteliere, banesa me qira apo në çadra pranë vendbanimit në zonat rurale.
Pas përfundimit të verifikimit të dëmeve, pritet të dalë edhe një faturë e plotë financiare për rindërtimin.
