Kryeministri Edi Rama aktualisht ndodhet në Dropull ku po zhvillon një takim elektoral me banorët e zonës.
Gjatë fjalës së tij, Rama thumboi Kryemadhin, Metën dhe Bashën duke thënë se ata janë çmendur të gjithë përnjëherësh: “Na janë çmendur të gjithë përnjëherësh, nuk i mbajmë dot. Ndërsa Ilir Meta është si hëna, shfaqet, zhduket”.
Fjala e Ramës:
“Ne në 2013-ën që ishim në opozitë, mundëm Sali Berishën me gjithë gardën e drejtuesve të atëhershëm të PD-së, një garë që nuk krahasohet me sot, por ata i mundëm ne. Por për të mundur Gridën, Salianjin na është dashur të blejmë vota. Kush i ha këto? S’jemi të rënë nga qielli, por më të mirë se ne nuk ka.
Krahasimi është i thjeshtë, shikoni mënyrën si ne organizohemi, si ne komunikojmë, jemi njerëz normalë. Tritan Shehu… kisha merak se po përfundon në lumë, ai bën një status që me demek paskemi qenë futur ilegalisht në Përmet. Unë iki nga qyteti në qytet protestuesit vijnë pas meje, më rrisin shpejtësinë që të iki akoma edhe më shumë.
Është e pabesueshme. Tmerr i madh, program zero. Sikur Zoti të merrej me fushata, të parën do mbyllte fallxhoren. E kthyen politikën në sport fizik. ‘O ç’e kisha dashur një molotov’ thotë kryebashkiakja e Shkodrës, po ca është kjo?”
