Kryeministri Edi Rama ka sqaruar se në zonat e kuqe do të vijojë të ketë më shumë kufizime të daljeve apo të aktiviteteve.
Përmes një komunikimi live në Facebook, Rama sqaroi se fashat e orarit për kufizimin e daljeve do të vijojnë. Kjo sipas tij, pasi ato kanë rol në dekurajimin e daljeve të tepërta, që nuk janë të domosdoshme.
Sipas tij, nëse nuk do të kishte një fashë orare atëherë situata nuk do të menaxhohej dot.
“Do të mbetemi besnik të numrave në përcaktimin e zonave të gjelbra. Komiteti i ekspertëve sheh numrat, dhe modeli i zonat e të kuqe nuk bazohet vetëm të numrat, por dhe te shumë të tjera. Nuk është çudi që një zonë e gjelbër të rikthehet e kuqe, por edhe e kundërta. Pak hapemi, se këto numra janë prodhuar nga ndikimet e 10-12 ditëve të fundit, jo të 5-6 ditëve të fundit. Pak hapemi dhe numrat fillojnë të rritet. Kjo është reale, nuk është një lojë, një farsë. Në kushtet e zonës së kuqe do vazhdojmë të kemi kufizime. Më pyesin pse mbahen fashat e orarit…ato kanë rol në dekurajimin e daljeve të tepërta që nuk janë të domosdoshme. Nëse nuk kemi fashën orare, i bie që në një zonë të kuqe si në një zonë të gjelbër, baret të jenë hapur. Kufizimi i daljeve në fundjavë është dashur dhe duhet për këtë”, tha ai.
