Kryeministri Edi Rama gjatë fjalës së tij në Kuvend theksoi se nuk i vjen mirë kur dëgjon ambasadoren amerikane Yuri Kim teksa thotë: “Do t’i ndjek përfaqësuesit politikë nëse do e mbajnë fjalën”.
Kreu i qeverisë pohoi se i takon shtetit shqiptar të vendosë vetë për çështjet e tij:
“Kur dëgjoj ambasadoren amerikane që thotë “do t’i ndjek përfaqësuesit politik, që a do e mbajnë fjalën apo jo”, sinqerisht s’më vjen mirë. Kur e dëgjoj këtë fjali s’më vjen mirë. Më vjen keq!
Prandaj miq, ky është një vendim i parlamentit shqiptar dhe i takon shtetit shqiptar të vendosë vetë, nuk është një sistem që duhet ta ndajmë me ambasadoren amerikane, apo të tjerë.
Duhet t’i themi gjërat siç janë, nuk është përgjegjësia e ndërkombëtarëve apo ambasadorëve që prej 30 vjetësh kërkojmë në anglisht zgjidhjen e problemeve tona”.
