Kryeministri Edi Rama është shprehur se SHBA do ta rrisë shumën që deklaroi në Bruksel në Konferencën e Donatorëve.
Përmes një postimi në Twitter, Rama thotë se pritet nisja e punës së përbashkët për Akademinë e Transparencës. Sipas tij, rindërtimi do të jetë shembull në këtë aspekt.
“Falenderoj ambasadoren e SHBA për lajmin e mirë se SHBA do ta rrisin shumën e deklaruar në Bruksel për Rindërtimin. Nisja e punës së përbashkët për Akademinë e Transparencës realizon një kërkesë tonën ndaj miqve të çmuar për ta bërë Rindërtimin shembull edhe në këtë aspekt”, shkruan kreu i qeverisë në postimin e tij.
Kujtojmë se SHBA ofroi 5 milionë dollarë për Shqipërinë në Konferencën e Donatorëve. Rama takoi ditën e sotme ambasadoren Yuri Kim, ku edhe diskutuan në lidhje me çështjen e donacioneve të dhuruara në konferencën e posaçme.
