Kryeministri Edi Rama së fundmi ka publikuar një video në rrjetin social Facebook, krah së cilës shkruan se shumica dërrmuese e qytetarëve janë super korrektë në zbatimin e rregullave.
Kreu i qeverisë u bëri thirrje të gjithë personave që lëvizin gjatë ditës në qendrat urbane, të mos dalin pa autorizim.
“Po bëjmë diçka që do të mbajmë mend si një mrekulli, nëse do të dimë të rezistojmë kështu deri në fund”, shkruan ndër të tjera Rama.
Reagimi i plotë i kryeministrit: “U lutem të gjithë qytetarëve që lëvizin gjatë ditës në qendrat urbane të mos dalin pa autorizim! Shumica dërrmuese janë super korrekt dhe kështu duhet të jenë të gjithë!
? Masat e reja ndëshkimore, të cilat duhet të garantojnë nismat e mëpasme lehtësuese, do të jenë shumë të forta, por uroj të mos e pësojë as edhe një, prandaj ju lutem të gjithëve korrektesë.
? Po bëjmë diçka që do të mbajmë mend si një mrekulli, nëse do të dimë të rezistojmë kështu deri në fund?”.
Kujtojmë se në Shqipëri deri më tani 22 persona kanë ndërruar jetë nga koronavirusi, dhe 377 raste kanë rezultuar pozitive.
