Kryeministri Edi Rama së fundmi ka publikuar në rrjetin social Facebook një video ku shfaqet një grua shtatzënë e infektuar me COVID-19.
Ajo është nga Anglia dhe u bën thirrje të gjithëve që të qëndrojnë në shtëpi, pasi në të kundërt rrezikojnë jetën e tyre dhe të familjarëve.
“Kam pneumoni në të dyja mushkëritë dhe po luftoj për vete dhe për bebin. Nuk ia vlen të dalësh nga shtëpia. E di që mendoni se nuk do e merrni. Kam 3 fëmijë dhe një burrë në shtëpi që nuk i takoj dot. Nuk e di si e kam marrë, por jam shumë sëmurë”, dëgjohet të thotë gruaja shtatzënë.
Ndërkohë kryeministri Rama krah videos shkruan:
“Të plagosurit e kësaj lufte të pashoqe nuk ushqejnë frikën, po vetëdijen se kjo nuk është një lojë, po një rezistencë për ekzistencë”.
