Kreu i Qeverisë Edi Rama sapo ka publikuar në Facebook shifrat lidhur me “pagat e luftës” për biznesin e vogël që ka mbyllur aktivitetin.
Kryeministri shkruan ndër të tjera se qeveria do bëjë çmos për të mbajtur aktive “armatën e punonjësve që nesër do të jenë në vijën e parë të betejës për shërimin e ekonomisë të plagosur nga lufta”.
Postimi i plotë i Ramës: “Informacioni i ditës së sotme për pagat e luftës për biznesin e vogël që ka mbyllur aktivitetin.
?9,506 punonjës e të vetëpunësuar dhe mbi 5,600 biznese kanë përfituar sot, Pagën e Luftës të ofruar si mbështetje e drejtpërdrejtë nga qeveria.
? Mbi 36,400 biznese të fashës 0-14 mln (140.000USD) xhiro në vit mbi 61 mijë të punësuar e vetëpunësuar, kanë dorëzuar aplikimet pranë Drejtorisë së Përgjithshme të Tatimeve për të marrë Pagën e Luftës.
? Ndërkohë, për të gjithë të punësuarit e pamundësuar për punë nga lufta në sektorë të tjerë të rëndësishëm të ekonomisë, qeveria po vlerëson mundësitë për të adresuar hallin e tyre në Paketën e Zgjeruar.
? Çdo vend pune është jetik për ata që e kanë dhe për familjen tonë të madhe. Ndaj së bashku me çdo kompani e punëdhënës, por edhe në reflektim të solidaritetit e përgjegjshmërisë së tyre sociale, ne do të bëjmë çmos ta mbajmë aktive këtë armatë punonjësish, që nesër do të jenë në vijën e parë të betejës për shërimin e ekonomisë sonë të plagosur nga lufta”.
