Kryeministri Edi Rama ka publikuar pamjet nga një tjetër projekt i rëndësishëm për vendin. Pamjet janë nga kantieri i Bypass-it të Vlorës, ku po ndërtohet Ura 3 në një terren shumë të thyer malor. Siç e dëshmojnë edhe planet, në Vlorë po punohet me ritme të larta për ndërtimin e Bypass-it, një prej veprave më spektakolare të infrastrukturës kombëtare.
Kreu i qeverisë ka ndarë mengjesin e sotëm pamjet me punimet që po kryhen në këtë Bypass të urës së tretë. Rruga lidh autostradën Levan-Vlorë me rrugën nacionale bregdetare Vlorë-Sarandë, duke ndikuar edhe në lehtësimin e fermerëve, për daljen më shpejt në tregje, të prodhimit bujqësor dhe nxitjen e agroturizmit.
Rruga e re me gjatësi 29 km vlerësohet një ndër segmentet me impaktin më të lartë turistik që do të ndikojë ndjeshëm në lehtësimin e trafikut në qytetin e Vlorës. Ajo nis nga Rrethrrotullimi, në fund te autostradës Levan-Vlorë.
Statusi
MIRËMËNGJES
dhe me këto 60 sekonda spektakolare nga kantieri i Bypass-it të Vlorës, aty ku po ndërtohet Ura 3, ju uroj një fundjavë të mbarë.
