Kryeministri Edi Rama prezantoi ministrin e ri të Brendshëm, Bledi Çuçi. Gjatë fjalës së tij, Rama u shpreh se ky moment është rezultat i një ngjarjeje, duke nënkuptuar vrasjen e të riut, Klodian Rasha nga një efektiv policie.
Kreu i qeverisë tha se protesta e fundit ishte e veçantë në llojin e saj, dhe se duhet reflektuar dhe analizuar.
Edi Rama: ”Prej tyre është marrë opinioni bazuar në metodat e opinionin publik mbi Policinë e Shtetit për punën dhe veprimtarinë. Më vjen mirë të nënvizoj që bëhet fjalë për një pasqyrë mbreslënëse dhe shumë domethënëse. Sigurisht që ky moment është rezultat i një ngjarjeje. Kur them fundin kam parasysh shpërthimin e një proteste goxha të veçantë në llojin e saj, e cila duhet të na bëjë të reflektojmë se përfshija për herë të parë në historinë tonë si komb, e fëmijëve, minorenëve për të luftuar brenda vetes për qëllime të caktuara një fakt tejet fatkeq por sidoqoftë domenthënës, jo vetëm për të kuptuar natyrën e agresionit ndaj Policisë së Shtetit. Për të kuptuar se çfarë ne duhet të bëjmë që kurrë më mos të përsëritet një shfaqje ekstreme, e denjë për vende ku fëmijët janë mish për top për organizata ekstremiste.’’
Bledi Çuçi mori detyrën nga Sandër Lleshaj, i cili dha dorëheqjen pas protestave për vrasjen e Klodian Rashës.
