Pas vendimit të opozitës për t’u rikthyer në tryezën e dialogut të Reformës Zgjedhore ka ardhur edhe reagimi i kryeministrit Edi Rama.
Kreu i qeverisë shprehet se ky rikthim i arsyeshëm i opozitës duhet përgëzuar, teksa thekson se është humbur një vit vetëm si pasojë e konflikteve mes tyre. Rama premtoi se të gjitha rekomandimet do integrohen në ligjin e ri zgjedhor
“Përtej më shumë se një viti të humbur në rrugën e konfliktit të çuar deri në ekstremin e mosarsyes, duhet përgëzuar ky rikthim i arsyeshëm në tryezën e dialogut për shkallën e parë të Reformës Zgjedhore, ku të gjitha rekomandimet e OSBE/ODHIR-it do integrohen në Ligjin Zgjedhor?”, shkruan Rama.
