Kryeministri i vendit Edi Rama ka hedhur sërish disa akuza ndaj një grupi prokurorësh dhe gjyqtarësh, gjatë fjalës së tij nga foltorja e Kuvendit.
Sipas tij, kanë ngritur një grup të quajtur ‘KÇK’ (kap çfarë të kapësh), ndërsa paralajmëron se do të shpallen në kërkim.
Po ashtu, shefi i qeverisë foli edhe për një mesazh që i kishte ardhur në telefonin e tij, ndërsa theksoi se dëshironte ta kishte lexuar, por në ato momente nuk e kishte celularin me vete.
“Disa prokurorë dhe gjyqtarë, kanë ngritur një grup ‘KÇK’. ‘KÇK’-kap ca të kapësh. Këtë grupin ky parlament do ta shpalli grup në kërkim. E them jo në mënyrë metaforike, por në mënyrë të drejtpërdrejtë. Me çdo mënyrë, me çdo mënyrë, duke ushtruar pushtetin e sovranit këtu.
Të gjithë së bashku! Është e kotë që nga tryezat e opozitës te ngrihen këtu dhe të fajësojnë qeverinë. Prokurorë dhe gjykatës si ai në Durrës, plote si ata bëjnë kërdinë mbi njerëzit çdo ditë. Nuk e mora telefonin me vete t’u lexoja një mesazh që mora. SMS marr çdo ditë nga njerëz që capërlohen. E dëgjova të nderuarin gojëtar të opozitës…ndihej ulërima deri jashtë. Po thoshe që; shtetit merret me të vegjël e të mëdhenj”, deklaroi Rama.
