Kryeministri Edi Rama e ka nisur ditën duke na treguar se 30.067 bebe kanë përfituar bonusin që nga 1 janari, kur VKM-ja hyri në fuqi, deri në fund të muajit tetor.
“MIRËMËNGJES, dhe me lajmin e bukur të 30.067 bebeve që kanë përfituar bonusin deri në fund të tetorit 2019, ju uroj një ditë të mbarë”.
Nënat që kanë sjellë në jetë foshnjat, janë shprehur se ky bonus i ka ndihmuar. Ato thonë se bonuesin e kanë marrë menjëherë.
Sipas VKM-së përkatëse, shpërblimi për lindje është në masën 40.000 lekë për lindjen e fëmijës së parë. 80.000 lekë për lindjen e fëmijës së dytë dhe 120.000 lekë për lindjen e fëmijës së tretë dhe fëmijëve të tjerë në vijim.
