Kryeminstri, Edi Rama ka publikuar shifrat e borxhit publik dhe të investimeve, duke krahasuar 7 vitet e qeverisjes së PS me atë të PD.
Në shifrat që ka publikuar Rama, del se mesatarja e borxhit publik për periudhën 2006-2013 ka qenë 60 miliardë lekë kurse e investimeve 70 miliardë lekë.
Kurse për periudhën që ka qeverisur vetë Shqipërinë, borxhi publik është ulur mesatarisht në 46 miliardë lekë kurse investimet 79 miliardë lekë.
Sipas Ramës, qeveria e mëparshme e PD, e zhyti Shqipërinë në borxhe.
Postimi i Ramës në Facebook
”MIRËMËNGJES
dhe meqë dëgjoni llafe shumë për Borxhin Publik nga ata që e zhytën Shqipërinë në borxhe ndaj sipërmarrjes, shëndetësi, arsim e deri edhe ndaj personave me aftësi të kufizuar, të prekurve nga përmbytjet, e madje edhe bebeve të porsalindura që i lanë pa mikrobonusin 5 mijë Lekë, njësoj si rrugët e lëna rrugëve, me këtë krahasim fare të thjeshtë për ta kuptuar dallimin e madh mes tyre e nesh, ju uroj një ditë të mbarë”
