Naftëtaret e Ballshit janë në ditën e 14-të të grevës së tyre. Nga ana tjetër, kryeministri Edi Rama vijon që të përsërisë thirrjen e tij, se me to nuk do të komunikojë derisa të lënë ambientet e grevës.
Ai njofton po kështu se qeveria është duke punuar për të gjetur investitorë seriozë, që të mund të vënë në punë Rafinerinë.
Kryeministri Rama kërkon që të mbyllet kjo grevë, dhe të ulen për të negociuar. Kreu i qeverisë shton më tej se është e drejta e tyre për të mos dalë nga greva, por është e pamundur për të gjetur një zgjidhje me presione e ultimatume.
Statusi
Ne po punojmë për të gjetur investitorë seriozë që të rindezin rafinerinë edhe pse greva juaj nuk ndihmon as për këtë! Ndërsa për ndihmën e mundshme shtetërore ndërkohë, meqë ju s’pranoni as të dilni në asistencë, ka vetëm një rrugë: Mbyllni grevën dhe ulemi qajmë hallin!
Të dashura greviste të Ballshit, është e drejta juaj të mos dilni nga greva, por është e pamundur të ulemi bashkë me presione e ultimatume! Jam gati të vij tek ju sapo të mbyllni grevën e të flasim si do mundemi t’ju ndihmojmë për këtë hall që nuk e ka krijuar qeveria.
Ne po punojmë për të gjetur investitorë seriozë që të rindezin rafinerinë edhe pse greva juaj nuk ndihmon as për këtë! Ndërsa për ndihmën e mundshme shtetërore ndërkohë, meqë ju s’pranoni as të dilni në asistencë, ka vetëm një rrugë: Mbyllni grevën dhe ulemi qajmë hallin!
— Edi Rama (@ediramaal) October 28, 2020
