Kryeministri Rama i ka kthyer një përgjigje presidentit Meta, lidhur me akuzat sa i takon pritjes në Kakavijë. Kreu i Shtetit shigjetoi palën shqiptare, si përgjegjëse të vetme të kësaj situate kaotike e cila zgjati për plot 5 ditë. Por këto akuza, kryeministri Rama i ka marrë me mjaft sportivitet, teksa thotë se janë sebepi i radhës për avazin e vjetër të një presidenti që abuzon me institucionin e lartë.
“Fajësimi qeverisë për situatën në Kakavi, thjesht një sebep i rradhës për avazin e vjetër të një Presidenti që abuzon me institucionin e lartë, për qëllimet e ulëta të Lëvizjes së tij të Çintegruar politike! Ndërsa argumentat për fajësimin pastaj pfff..parodi tipike alla Baba Xhike”, shkruan Rama në Twitter.
Fajësimi qeverisë për situatën në Kakavi,thjesht një sebep i rradhës për avazin e vjetër të një Presidenti që abuzon me institucionin e lartë,për qëllimet e ulëta të Lëvizjes së tij të Çintegruar politike! Ndërsa argumentat për fajësimin pastaj pfff..parodi tipike alla Baba Xhike
— Edi Rama (@ediramaal) August 17, 2020
Meta e nisi konferencën për mediat me një falje në emër të shtetit, drejtuar qytetarëve që pritën në radhë, teksa ka hedhur akuza të drejtpërdrejta për Ramën se nuk i ka ushtruar përgjegjësitë e tij, as si kryeministër dhe as si Ministër i Jashtëm.
