Kryetarja e LSI Monika Kryemadhi, e ftuar mbrëmë në emisionin “Të Pa Ekspozuarit” foli për protestën që do të zhvillohet ditën e shtunë para Kryeministrisë.
Kryemadhi theksoi se Rama është i destinuar të shkojë drejt fundit të tij politik, ndërsa shtoi se ’97 nuk do të jetë asgjë në krahasim me atë që do të bëjnë shqiptarët tani.
Ajo deklaroi se viti i largët, i cili u karakterizua me trazira kishte në mes çështjet e parasë, por sot shtoi ajo, shqiptarët po luftojnë për zgjedhje të lira dhe të ndershme.
“Çfarë të duan qytetarët do të bëjmë pasnesër. Do të ketë më shumë njerëz. Po të jetë aq trim Rama, të shkojë nesër në zgjedhje. Ai ka vetëm një zgjidhje dhe ai është i destinuar të shkojë drejt fundit politik. T’u garantojë shqiptarëve zgjedhjet, ‘97 s’do të jetë asgjë, sepse atëherë shqiptarët u ngritën për lekët, por sot nuk është çështje parash por as çështje tullash”, deklaroi Kryemadhi.
Ndër të tjera, kryetarja e e LSI-së hodhi akuza edhe për PPP-të, ku theksoi se të gjithë fajtorët dhe abuzuesit duhet të shkojnë në burg si dhe të kthejnë mbrapsht të gjithë paratë e vjedhura tek shqiptarët.
