Presidenti i Kosovës, Hashim Thaçi, ka përcjellë një urim për Shqipërinë, lidhur me marrjen e kryesisë së OSBE-së për vitin 2020. Përmes një statusi në ‘Twitter’, ai shprehet se po pret me padurim për të bashkëpunuar me kryeministrin Rama, për të çuar përpara misionin e përbashkët për forcimin e demokracisë dhe të Drejtave të Njeriut.
“Urime #Albania për marrjen e kryesisë së OSBE-së për vitin 2020. Mezi presim të punojmë me kryeministrin @ediramaal për të çuar përpara misionin tonë të përbashkët për forcimin e demokracisë dhe të Drejtave të Njeriut. I lumtur për të parë një listë gjithëpërfshirëse të përparësive që i japin përparësi paqes dhe pajtimit”, shkruan kreu i shtetit.
