Kryeministri Edi Rama iu drejtua kryetares së Komisionit Hetimor për Inceneratorët, Jorida Tabaku duke thënë se sjellja e tij në Komision është “heroikisht i sjellshëm”, duke marrë parasysh faktin se është akuzuar nga opozita si kreu i një organizate kriminale. Kreu i qeverisë tha se opozita e ka cilësuar si kreun e një organizate kriminale, ndaj qendrimi i tij është heroikisht i sjellshëm. Ai ia preu shkurt, duke ia bërë të qartë se nuk mban mend mbledhje qeverie, e madje i ka kërkuar që të mos e citojë sipas dëshirës së saj. Jorida Tabaku ia ka kthyer që të qetësohet, por Rama nuk ia ka përtuar. Dhe një herë tjetër kreu i qeverisë i tha se e ka fyer.
Edi Rama: Që t’ju sqaroj se çfarë bën kryeministri, kryeministri zgjidhet për të udhëhequr dhe të udhëheqësh do të thotë çfarë dhe pse? Çfarë do bëjmë? Ku do shkojmë dhe pse do e bëjmë këtë gjë? Dhe pastaj si do e bëjmë këtë gjë? Ka një makinë të tërë shtetërore që është aty për të bërë punën e vet. Kjo makinë shtetërore sikundër ka dalë këtyre ditëve ka bërë detyrën e vet, kjo është ajo që mund të them dhe nuk kam asnjë arsye në botë të vë presje apo pikëpresjeve të gjitha pikave që janë vënë këtu nga të gjithë dëshmitarët paraardhëse. Nuk refuzoj t’i përgjigjem asnjë pyetje, por duhet të më bëni pyetje që lidhen me rolin tim si kryeministër, sepse unë dua të dëshmoj si kryeministër. Nëse doni që të hyjmë në debat bashkë… Mos interferoni vokalisht me dëshminë time. Mos interferoni. Mos më ndërhyni, thjesht mos interferoni vokalisht me mua. Që t’ju shpjegoj si funksionon, sepse unë nuk jam këtu për të plotësuar nevojën e zonjës Tabaku.
Jorida Tabaku: Qytetarët e kanë të qartë mbledhjen e qeverisë…
Edi Rama: Unë mendoj se jo të gjithë qytetarët e kanë të qartë se kur isha qytetar nuk e dija. Nga pyetja juaj nuk ju vë faj që nuk e dini si funksionin mbledhja e qeverisë. Kur merret vendimi është akti i kurorëzimit të akteve ligjore dhe nënligjore që fillon nga sektori bazë që është në nevojë nga akti në fjalë me sektorë të tjerë. Kalon ato filtra dhe vjen tek unë. Kryeministri është shumë thjeshtë, ku do shkojmë, çfarë do bëjmë, pse do e bëjmë. Si do e bëjmë është e gjithë makineria. Kanë të gjithë detyrat e veta. Ndryshe nga ju, mua më rezulton se këtu është zbardhur në mënyrë shembullore e gjithë rruga e vendimmarrjes nga pikëpamja e akteve ligjore. Nga pikëpamja e atyre përgjegjësive individuale para ligjit, për të cilat organi i hetimit identifikon shkelje është diçka që i takon secilit. Nuk është pjesë vendimmarrëse e qeverisë. Pushteti është i keq shumë… Pushteti tundon të madh e të vogël siç thotë një fjalë, mishi është i dobët.
Jorida Tabaku: Po ju drejtohem me respekt!
Edi Rama: Faleminderit për respektin.
Jorida Tabaku: Fokusohemi tek mbledhja e qeverisë e datës 17 Dhjetor.
Edi Rama: Më keni cilësuar si kreun e një organizate kriminale qëndrimi im këtu është heroikisht i sjellshëm. Unë i përgjigjem pyetjeve zonja Tabaku një për një. Por kur më pyesni ju a e mban mend datën filan, mbledhje, sikur është mbajtur vendimi për të sulmuar kushedi se kë, pse duhet ta mbaj mend. A e mban mend mbledhjen e qeverisë sikur u mblodhët aty për ndonjë aferë. Jo zonjë nuk e mbaj mend. Zonjë nuk mbaj mend mbledhje qeverie. Mua mos më cito sipas qejfit. Jam i gjallë këtu përballë jush. Mos më cito sipas qejfit!
Jorida Tabaku: Me qetësi.
Edi Rama: Unë thashë që a e mban mend një mbledhje qeverie është pa sens. Mos ofendo inteligjencën time se e kam problem të madh. Zonjë, nuk jam nervoz. Kam problem me ofendimin e inteligjencës. E kam shumë problem. Po të them zonjë mos më cito mua gabim se këtu jeni ju që po bëni propagandë. Thashë që pyetja a e mbani mend këtë mbledhje qeverie nuk mban sens. Nuk mbaj mend asnjë mbledhje qeverie, jo se dua t’i shmangem vendimeve… Mbaj mend një mbledhje qeverie kur kam vënë foton e Ismail Qemalit edhe hoqëm atje…
