Kreu i qeverisë shqiptare ndodhet për një vizitë zyrtare në Gjermani, ku pritet të takohet sot në Berlin me kancelarin gjerman Olaf Scholz. Rama do të takohet edhe me zyrtarë të lartë të politikës gjermane, ndërsa pritet të kërkojë nga Scholz përkrahje për çeljen e negociatave.
Në këtë vizitë, kryeministri Rama shoqërohet nga Taulant Balla, Delina Ibrahimaj dhe Elisa Spiropali. Rama pritet që të zhvillojë takime me kryetaren e Bashkisë së Berlinit, Franziska Giffey, Presidentin Federal i Gjermanisë Frank-Ëalter Steinmeier, si dhe me kancelarin gjerman Olaf Scholz. Mësohet se fokusi i diskutimit mes Ramës dhe Scholz do të jetë integrimi i Shqipërisë në Bashkimin Europian, lufta në Ukrainë dhe kriza e shkaktuar prej saj, si edhe çështje të tjera ekonomike dhe të politikës mes dy vendeve.
