Kryeministri Edi Rama, në Vaun e Dejës, ka ironizuar me kryetarin e Partisë Demokristiane, Nard Ndoka. Rama është shprehur se Nard Ndoka është si lojtari i Barcelonës, Lionel Messi. Ai tha se nuk e di se si Nardi rrotullohet por vetëm kur e shikon sërish në parlament. Gjithashtu, Rama u tha banorëve të zonës se në qofte se për ata Ndoka është më i miri të vijojnë dhe të votojnë për atë.
“U bë Nard Ndoka si me qenë Lionel Messi, sesi rrotullohet dhe vetëm kur e shikon në parlament sërish. Çështja e Saliut është tjetër se dhe ai ngeli në parlament, por Ndoka nuk ka fare lidhje me aftësitë e Saliut. Po patet Nardin më të mirin atë mbani. Si do që të shkojë muhabeti Nardi është sërish në parlament. Jeni ju ata që e votojnë Nardin”
Gjithashtu, Rama tha se “Do të rrisë ekonominë mbi 5 për qind. Do të rrisë pagën minimale deri në 30 mijë lekë dhe do të rrisë rrogat deri në 40% për katër vitet e ardhshme.”
