Situata e mediave në vendet kandidate të BE, në Ballkan është një kërcënim për demokracinë. Tregjet e reklamave janë shumë të vogla, mediat e pavarura janë të rralla.
“Çfarë doni?”, u thotë kryeministri Edi Rama, gazetarëve në kryeqytetin e Tiranës. 54-vjeçari socialist, dëshiron ta sjellë vendin e tij në BE. Atij nuk i pëlqen të pyetet nga gazetarët në përgjithësi.
Por Rama e di shumë mirë se ai nuk mund të shmangë mediat e huaja, kur ai dëshiron ta anëtarësojë Shqipërinë në BE. Shqipëria ka nevojë për një imazh të mirë në Evropë. Kjo është arsyeja pse artisti, i cili është në pushtet që nga viti 2013, pati një dialog të vështirë me profesionistët e medias ndërkombëtare.
Gazetarët shqiptarë vetëm mund ta ëndërrojnë një bisedë të tillë të hapur me kryeministrin e tyre. “Është më mirë të humbasësh një sy se një reputacion”, është thënia e njohur popullore shqiptare.
Prandaj, kreu i qeverisë shqiptare heq dorë nga dialogu i vazhdueshëm me mediat lokale. Ai preferon të përdorë mediat sociale, veçanërisht “Facebook”. Në fund të bisedës me gazetarët e huaj, ai vetë e përshkroi kanalin e tij televiziv në rrjetet sociale si “propagandë”.
Nga Werner Kolhoff
Në Tiranë , në kryeqytetin i cili dëshpërimisht dëshiron të hyjë në BE dhe bën shumë për të hequr qafe etiketimin si një “qendër krimi”. Një “breshëri” sulmesh tashmë janë drejtuar kah kreut të shtetit Edi Rama. Ai ka pritur me verë gazetarët gjermanë dhe u tregoi atyre zyrën e tij. Zyra e kryeministrit ishte e mbushur me vizatime, stilolapsa dhe fotografi. Socialisti karizamtik 54-vjeçar është një artist.
Në Tiranë ne ishim në momentin kur kryebashkiaku Erion Veliaj, kishte dy orë që ishte bërë baba për herë të parë. Ai bëri deklarata të shumta për shtyp, dhe ndihej optimist kryeqytetin me më shumë se 700,000 banorë.
Ndërsa Ministri i Brendshëm Fatmir Xhafaj u premton të gjithëve liri dhe siguri dhe se po punon dhe heton grupet e krimit të organizuar. Mesa duke, e gjithë kjo lëvizje ishte një lloj “fushate”, për t’i rënë në sy për mirë medias gjermane.
Shqipëria po përpiqet me çdo kusht që të bëhet anëtare e BE-së dhe padyshim që jashtë i duhet të transmetojë një imazh të mirë. “Ne jemi si një dashnor, i cili është i dëshpëruar për martesë,” tha poetikisht Rama. Deri tani, ky “dashnor” gjithmonë ka pasur perspektivë të paqartë të angazhimit të mundshëm, për në BE. Por, lë të shohim, deri në 2019 ka ende kohë. Në qershor të vitit të ardhshëm, Këshilli Evropian më në fund do të vendosë për hapjen e negociatave të pranimit. Në Gjermani, sigurisht, Bundestagu duhet të pajtohet me hapjen e negociatave.
Drejt BE
Sa i përket BE-së, të gjithë në Shqipëri pajtohen. “Nuk ka plan B,” thotë Rama. “Ne nuk kemi alternativë”, thotë Besar Likemta, një bloger dhe kritik i ashpër qeveritar.
Edhe Oerd Bylykbashi, një deputet i opozitës kryesore, thotë: “Ky vend nuk ka asnjë shans tjetër.” Shqipëria ka rrugën më të vështirë se të gjithë vendet e tjera: prapa saj, deri në vitin 1989, nuk ishte vetëm një diktaturë socialiste si kudo, por Enver Hoxha, regjimi i të cilit i ngjante Koresë së Veriut të ditëve të sotme e la vendin të izoluar.
Piramida e tij në qendër të Tiranës, e cila ishte projektuar për muze, tani është një objekt i prishur. Ajo është një kujtesë e shkëlqyeshme e ëndrrave të përjetshme të sundimtarëve në dukje të përjetshme.
Një konference mes përfaqësues të BE-së, ministrave të Brendshëm dhe të Drejtësisë nga të gjitha vendet e Ballkanit u zhvillua të enjten dhe të premten, në Tiranë. Qeveria shqiptare paraqiti “zemrën e reformave” të saj: luftën kundër krimit të organizuar dhe korrupsionit. Prodhimi i kanabisit “praktikisht nuk është më në diskutim “, tha ministri i brendshëm Xhafaj. Sipas tij, lufta kundër bandave mafioze ka patur disa operacione të mëdha dhe në total janë arrestuar 130 perona. Shqipëria, po lufton shumë që të heqë qafe etiketimin si “qendër krimi”.
Hapat e mundshëm
Më e rëndësishmja është reforma e gjyqësorit. Ekziston një ndjekje e veçantë kundër korrupsionit. Dhe nën mbikëqyrjen ndërkombëtare, 800 gjyqtarët dhe prokurorët janë duke u shqyrtuar. 50 raste tashmë kanë përfunduar. Për shembull, 22 avokatë janë larguar nga shërbimi civil, për shkak se nuk kanë mundur ta shpjegojnë, burimin e të ardhurave të pasurisë së tyre.
Kryeministri Rama e di se rezistenca ndaj Shqipërisë në BE është ende e madhe, për shkak se vendi me tre milion banorët është i varfër. Shqipëria është e vetmja nga pretendente e Ballkanit që nuk ka konflikte me shtetet fqinje dhe nuk ka kartën për të ‘bashkëpunuar’ e me Rusinë.
“Evropa është e paparashikueshme”, thotë Rama. Sipas tij, çdo përpjekje mund të jetë e kotë, për shkak se në vendet kryesore evropiane nuk besojnë në zgjerimin e BE-së.
“Po, ekziston një alternativë”, thotë blogeri Likemta, kur u pyet se çfarë ndodh nëse vizioni i BE-së dështon.
“Gjithsesi, shqiptarët do të jenë të gjithë në BE.” Ai flet për eksodin masiv që po ndodh ndër vite, i cili është gjithnjë e në rritje. Gjermania, për shembull, tashmë është duke marrë infermierë dhe mjekë, që do të thotë se në spitalet shqiptare ka vende të lira pune.
Vetë Likmeta dhe 300,000 shqiptarë të tjerë, çdo vit hedhin Lotarinë Amerikane. Një “lotari e lumtur” në vendet e Evropës, gjithashtu do jetë një mundësi e shkëlqyer për shqiptarët./TIRANA TODAY/
