Kryeministri Edi Rama aktualisht ndodhet në Shkodër aty ku po zhvillon një takim elektoral me qytetarët ndërkohë pak metra larg tij ndodhen protestues të PD-së që po përballen me policinë.
Rama ka deklaruar se ai nuk do të dorëhiqet, teksa në vijim ka theksuar se personalisht do të kontribuojë në zhvillimin e mëtejshëm të Shkodrës: “Pas 4 viteve Shkodra do të jetë ndryshe. Gjatë kësaj kohe duhet të përballemi me gjëra absurde, siç ishte djegia e shkollës këtu. Unë e qeveria nuk ikim, ata le të hidhen përpjetë. Parlamenti është aty, ata ikën se lanë mandatet. Tani janë kujtuar, por është vonë. Ikën me festë e pastaj donin të hynin nga dritarja”.
