Kryeministri Edi Rama, ka reaguar për herë të parë lidhur me vrasjen e 25-vjeçarit Klodiian Rasha, dy netë më parë nga një efektiv policie.
Në një prononcim për mediat nga kryeministria, Rama ka shpërthyer në akuza në lidhje me ngjarjen e rëndë, duke shigjetuar presidentin Ilir Meta dhe kreun e PD-së, Lulzim Basha.
Sipas tij, Presidenti i Republikës, Ilir Meta përbalt policinë, ndërsa për kreun e PD, Lulzim Basha tha se është Ministri i Brendshëm i 21 janarit.
Edi Rama: ”Tragjedia e natës së para dy ditëve është një episod i dënueshëm, i pafalshëm, pro pa asnjë lidhje me punën e policisë. Kush thotë të kundërtën, nuk ka fakte të thotë atë që thotë. Presidente i Republikës, që është prova ulëritëse, e inatit të tij personal, në dëm të institucionit, është i fundit që duhet të hapë kamerën e gojës. Jo vetëm se është një nga nxitësit e serialeve, por se ka thënë kurrë një fjalë solidaritet, por se është një nga shembujt më të këqij të shtetit institucional.
I fundit që mund të japë leksione se si duhet të reagojë ministria e Brendshme, është kryetari kukull i PD, Lulzim Basha, Ai është udhëheqësi i disa revolucioneve të mbetura në tentativë. Ai është ministri i Brendshëm i masakrës së 21 janarit. Ishte qeveria, kryeministria, e kthyer në një grykë zjarri, kur protesta po shpërndahej. Këto që ndodhin sot, nuk kanë krahasim me dje. Gjithashtu nuk ka asnjë diskutuam se si çdo pyll që ka derrat e vetë, ka dhe policia të padenjët e saj. Askush se ka pretenduar të kundërtën.”
