Kryeministri Edi Rama, në cilësinë e kryetarit të radhës në OSBE, ka marrë fjalën në nisje të Ministerialit të kësaj organizate. Rama u shpreh se “ndodhemi në një krizë në përkeqësim”. Ai apeloi për të qëndruar të bashkuar, në mënyrë që të zgjidhen të gjitha krizat. Shefi i qeverisë është shprehur se ky ishte një vit sfidues, sidomos për përhapjen e Covid 19 ku kanë humbur jetën miliona njerëz, ndërkohë ka theksuar dhe zhvillimet më të fundit në disa vende të botës.
“Rendi i ditës është i miratuar dhe i imponuar nga situata. Kur Shqipëria mori kryesinë e OSBE, duke u ulur këtu dua të them që jemi në një krizë në përkeqësim.
Kjo nuk është një situatë e krijuar nga organizata, sepse ne të gjithë duhet të jemi falenderues për pjesëmarrësit për pjesën e tyre. Vizioni po largohet prej nesh, sepse përçarja po mbizotëron mbi bashkëbisedimin. Duhet të trajtojmë sfidat dhe kërcënimet që përballemi që nga ndryshimi i klimës apo terrorizmi.
Bëj thirrje për një bashkëpunim, por kanë rënë në vend të shurdhët. O e keni për zemër këtë organizatë, ose jo. Ose doni të mbroni demokracinë, ose nuk doni. Organizata jonë është kaq e fortë, sa vullneti për të zbatuar këto parime. Nëse ky vullnet mungon siç po ndodh sot, do e kemi të vështirë të dalim nga krizat.
Shikoni çfarë po ndodh në Bjellorusi, dhe ne ishim zgjidhja e fundit për to, se strukturat e tjera ishin të padobishme. Nuk mund të vazhdojë kështu, duhet të ndryshojmë. Dhe jo më mirë se në hapësirën e OSBE mund të diskutohen gjërat.
Asnjë organizatë më mirë se kjo mund të përballen me sfidat. Ky ka qenë një vit sprovues për organizatën. Pasojat e pandemisë kanë prekur fort të gjitha fushat.
Nëse s’jemi të bashkuar, nuk i zgjidhim dot gjërat. Mbetet një situatë e papranueshme, le të mos harrojmë marrëveshjet e Minskut. Akoma vazhdojnë të humben jetë edhe pas 7 vitesh. Konflikti në Ukrainë është prioriteti ynë”, tha Rama.
