Ditën e nesërme në orën 07:00 të mëngjesit, pritet një mbledhje e qeverisë ku në fokus do jetë situata e krijuar nga tërmeti.
Bëhet me dije se gjatë mbledhjes do të merren masa për të ndihmuar familjet në nevojë, të prekura nga tërmeti.
Ndërkohë mendohet se nesër mund të shpallet edhe gjendja e emergjencës. Në lidhje me këtë temë, pak më herët gjatë vizitës në spitalin e Traumës, Rama tha se do mendohej deri nesër.
Kujtojmë se dita e nesërme është shpallur ditë kombëtare zie, në nder të qytetarëve që humbën jetën nga tërmeti 6.4 ballë që preku vendin.
