Kryeministri Edi Rama, është ndalur në qytetin e Pogradecit, ku zhvilloi një bashkëbisedim me strukturat e Partisë Socialiste, në kuadër të fushatës elektorale për zgjedhjet e 25 prillit.
Gjatë fjalës së tij, Rama u shpreh se pas investimeve në Korçë, në mandatin e tretë do të jetë radha e Pogradecit.
Ndër të tjera, Rama foli gjithashtu për investimet e rëndësishme në të gjithë vendin, që përfshijnë sipas tij porte dhe aeroporte.
Edi Rama: “Në këtë pikë unë besoj që kemi sjellë këtu në Pogradec njeriun duhur dhe në kohën e duhur për të bërë punët e duhura. Unë e kuptoj shumë mirë dhe me Nikon bëjmë shaka, ppr jo dhe aq në fakt që Pogradeci e sheh pak veten në ndonjë hap mbrapa që ka pësuar një zhvillim bombastik në këto vite në krahasim me Korçën.
Ta shihni pozitivisht në Korçë kemi bërë shumë, por ky mandat do të jetë detyrimisht mandati i Pogradecit, sepse tani jemi gati për të bërë disa ndërhyrje të rëndësishme në Pogradec, në fshat dhe qytet. Ndërhyrje që lidhen me strategjinë e zhvillimit. Ju e keni dëgjuar s ene jemi gati ti hapim Shqipërisë katër porta nga qielli, katër nga deti për të sjellë udhëtarë dhe turistë nga mbarë bota për tu kthyer jo vetëm në kampion të Ballkanit në turizëm, por në një vend që hyn në ligën e kampionëve të turizmit. Kjo është ajo që kemi përpara bazuar tek projektet që kemi gati.”
