Rama ka konfirmuar sot se marrëdhëniet me Albin Kurtin janë korrekte, përkundër zërave që qarkullojnë në media, ku nuk nguroi që ti cilësonte sërish si kazan. Në emisionin “Opinion”, ai tha se pjesë të agjendës së tij është një takim me Kurtin, që do të mbahet nesër, pa zbuluar detaje më konkrete.
“Në dijeni time, nesër unë kam takimin me të. Më ka kërkuar në mënyrë korrekte, s’kam asnjë problem, mezi pres që ai të marë detyrën dhe të vazhdojë punën”, tha më tej ai.
Pak më herët, Rama pati një përplasje me të ftuarit në panel, duke u thënë se ai nuk do të ndryshonte për askënd.
“Ju jeni vërtetë kështu, apo bëni kështu kur dilni në TV? Unë jam i njëjti jam, me poture edhe këtu, edhe kur takohem me Merkel. Edhe në shtëpi, nuk jam perfekt, por unë jam njeri që i ri mbi kokë pasionit dhe punës sime si asnjë tjetër. Tu përgjigja për veten time. Ti je i njëjti, unë jam i njëjti ngado,
Me poture, pa poture, unë kështu jam.
Unë jam; do ti, apo s’do ti! Sepse atë që mendoj…
Unë do ti sugjeroja kritikëvë në Kosovës që ti referohem prononcimit të kryeministrit të zgjedhur lidhur me atë nismë. Edhe ata të Vetëvendosjes që bëjnë fletërrufe, ti referohen Albin kurtit.
Ajo nismë është nisma që do çlirojë përfudimisht mes Kosovës dhe Shqipërisë, për dy territoret tona. Nisma bazohet në katër liritë e BE-së. Përderisa presidenti i Serbisë, kryeministri i Maqedonisë së Veriut dhe unë kemi dhënë një deklaratë për 4 liritë,… kufirin ne e kemi me Kosovën. Mos kërkoni atë që nuk keni për ta gjetur kurrë. Jam i bindur se ka një mundësi historike për të çuar vendin para, por me metodat e dhunshme për të marë me shumë vota me anë të një patriotizmi virgjëreshash, unë nuk jam. Merrni me rezerva ato që lexoni në portale, se do luani mëndsh. Nuk kam thënë ministri të përbashkët, as ministri për Kosovën e ministri për Shqipërinë”.
TIRANA TODAY
