Kryeministri Edi Rama nga foltorja e Kuvendit deklaroi se Presidenti Ilir Meta e ka humbur busullën.
“Edhe njëherë tjetër për këdo që do të kuptojë pa hyrë në të thella jemi përballë si Kuvend me njeriun që e ka humbur busullën dhe e ka kthyer institucionin e
Presidencës në një frrëngji, prej ku sulmon nga të katër anët, duke qenë ne këtu 100% në të njëjtën linjë me SHBA e BE”, tha Rama.
Ky i fundit theksoi ndër të tjera se këtë herë “nuk do merrem me Ilir Metën, por me drejtësinë”.
“Edhe njëherë përplasja është jo mes nesh dhe Metës, por mes Metës dhe drejtësisë. Natyrisht pastaj është e lehtë të kuptohet pse si çdo herë tjetër. Nuk ka më turp, e pas kësaj besoj nuk ka as nevojë të zgjatemi për të shpjeguar arsyet që na sjellin këtu dhe drejtësinë e vendimmarrjeve tona, ndaj këtë herë nuk do merrem me Ilir Metën, por me drejtësinë”, pohoi Rama.
Rama “godet” Metën nga Praga me mesazhet e ministrave të tij: Katrahurë!
