Pasi Kreu i Shtetit Ilir Meta ç’dekretoi datën e zgjedhjeve, reagimet të shumta kanë ardhur nga deputetë nga të dyja palët politike, ku njëra anë e mbështet dhe tjetra është kundër vendi.
Kryebashkiakja e Shkodrës Voltana Ademi, ditën e sotme ka shprehur hapur mbështetjen për shtyrjen e zgjedhjeve vendore.
Pas pjesëmarrjes në panairin e artizanatit dhe zejtarisë në Shkodër, Ademi përgjatë një deklarate televizive theksoi se s’do e lëshojë zyrën e saj pasi “çdo vendim tjetër pas atij të Presidentit është i jashtëligjshëm”.
Gjithashtu ajo tha publikisht se aktualisht është momenti që kryeministri Edi Rama të reflektojë dhe të tërhiqet.
Kujtojmë se Rama në çdo dalje të tijën mediatike ka theksuar vazhdimisht se zgjedhjet do të bëhen me çdo kusht më datën 30 qershor.
