Presidenti i Serbisë, Aleksandar Vuçiç, do të zhvillojë një takim me presidentin e Francës, Emmanuel Macron.
Në një intervistë për median gjermane “Der Spiegel”, Vuçiç deklaroi se gjatë këtij takimi do përfaqësojë edhe Shqipërinë dhe Maqedoninë e Veriut.
“Unë kam qenë me kryeministrat e Shqipërisë dhe Maqedonisë së Veriut në samitin e Ohrit dhe ne ramë dakord për pothuajse çdo pikë, duke përfshirë që unë të flisja me Macron në emër të të gjithëve, siç bëra javën e kaluar”, tha ai.
“Dëshiron të bëhet lider i Shqipërisë së Madhe”, çfarë mendon Vuçiç për Kurtin
Gjatë kësaj interviste u diskutua edhe për çështjen e Minishengenit Ballkanik. Vuçiç e cilësoi këtë projekt si më të mirin e tre dekadave të fundit. Më tej ai citon parashikimet e Bankës Botërore, teksa shprehet se vendet e rajonit me këtë projekt të lëvizjes së lirë do kursejnë plot 3,5 miliardë euro.
