Kryeministri Rama ka dhënë një lajm të mirë, pas këtyre ditëve shtetrrethimi. Ai ka njoftuar me anë të një statusi në Facebook se i shëruari i parë pas infektimit me koronavirus, ka dalë nga spitali, për tu mbyllur më tej në shtëpi. Ai duhet që të vetëkarantinohet për 14 ditë, nën vëzhgimin e mjekëve specialistë.
“ I SHËRUARI I PARË DEL NGA SPITALI PËR T’U MBYLLUR NË SHTËPI PA DALË FARE 14 DITË, NËN VËZHGIMIN E MJEKËVE FANTASTIKË TË INFEKTIVIT”, shkruan ai bashkëngjitur fotos në fjalë.
Të premten mbrëma, Ministrja e Shëndetësisë, Ogerta Manastirliu bëri të ditur se kontakti i parë i “pacientit zero” kishte rezultuar negativ për Covid-19, edhe në testin e dytë. Kështu, babai i 28-vjeçarit nga Tirana bëhet personi i parë i shëruar nga koronavirusi në Shqipëri.
