Sërish lajme të mira vijnë nga Spitali Infektiv. Gjatë 24 orëve të fundit, kanë arritur të fitojnë betejën me koronavirusin 23 pacientë. Kryeministri Edi Rama ka njoftuar në rrjetet sociale se së fundmi janë shëruar edhe 23 pacientë të infektuar me COVID-19.
Në Shqipëri ka shkuar në 383 numri i të infektuarve nga koronavirusi. 22 persona kanë ndërruar jetë.
Sipas Ministrisë së Shëndetësisë, qytetarët duhet të kufizojnë takimet me njëri-tjetrin, pasi sipas rasteve të fundit, virusi po përhapet brenda rrethit familjar.
