Marrja e një përgjigje negative për krijimin e një programi shkencor, ka detyruar shkencëtarin kryesor te BE-së të japë dorëheqjen. Mauro Ferrari është shprehur i zhgënjyer pas përgjigjes së Brukselit, ndaj pandemisë së koronavirusit.
Ferrari, president i Këshillit Evropian të Kërkimeve, ka kritikuar BE-në. Kjo lidhet me refuzimin sa i takon propozimit të tij, për të krijuar një program shkencor, të shkallës së gjerë, për luftimin e COVID-19.
Në një deklaratë të publikuar në ‘Financial Times’, Ferrari është shprehur se shtetet anëtare kanë dështuar të koordinohen për politikën e kujdesit shëndetësor.
Komisioni Evropian nuk e ka komentuar ende dorëheqjen e Ferrarit.