Kryeministri Edi Rama ka dalë ditën e sotme në terren së bashku me grupin e ekspertëve dhe inxhinierëve izraelitë për të inspektuar banesat e dëmtuara nga tërmeti.
Teksa po ecte për të shkuar në një kompleks, në Durrës, Rama është përballur me thirrje “Rama ik” nga një person që ishte në rrugë.
Kryeministri nuk ka qëndruar indiferent dhe i është përgjigjur: “Ja tani, tani, mos ki merak…”
“Këta janë nga Izraeli dhe janë njësha, inxhinieri thotë që pas katastrofës duhet ta puthësh shtëpinë tënde se ka qëndruar dhe iu ka mbrojtur”, i tha Rama një gruaje, shtëpia e së cilës ishte dëmtuar nga tërmeti.
