E hënë, 1 Mars, 2021
11 C
Tirana

Moikom Zeqo në krah të Albin Kurtit: Një shëmbëlltyrë për Shqipërinë (VIDEO)

Nga Marsela Sinani

Ish-deputeti e akademiku Moikom Zeqo, ngre në piedestal figurën e Albin Kurtit, duke e cilësuar atë si liderin më të ditur dhe më me kulturë politike në të gjithë trevat shqiptare. Ky ishte vlerësimi i shkrimtarit Zeqo, teksa foli për zhvillimet në Kosovë e Shqipëri, në një intervistë ekskluzive për “Tirana Today”.

Me Kurtin në krye të qeverisë së Kosovës, akademiku është i bindur se do të qeverisë me “duart të pastra”, pasi partia e tij “Vetëvendosja” fitoi shumicën e votave, gati 15 vjet që kur u themelua si një lëvizje që lobonte kundër një marrëveshje të negociuar me Serbinë mbi fatin e Kosovës.

“Unë e konsideroj një ngjarje shumë të madhe, që një parti e cila ndenji 20 vjet në opozitë bazuar mbi moralin, që nuk akuzohet dot për vjedhje ose korrupsion siç është “Vetëvendosja”. Me një lider që është lideri më i ditur, dhe më me kulturë politike që ka në të gjithë trevat shqiptare, që është Albin Kurti”, tha z. Zeqo.

Një faktor i rëndësishëm mbetet modeli qeveritar që Albin Kurti do të prodhojë në Kosovë, në mënyrë që ai të reflektojë edhe në Shqipëri. Akademiku, Moikom Zeqo është i bindur se Kurti do ketë një qeverisje model, duke shërbyer edhe si një shembull për Shqipërinë.

“Unë e konsideroj këtë një fitore të një force politike të pa korruptuar. Kam shpresë ndryshe nga ç’mund të thonë shumë analistë, ose njerëz të cilët janë edhe dashakeqës, që Albin Kurti dhe qeveria që do të krijohet do të bëj përmirësime. Mund të mos bëjë çudinë e madhe, por do ketë një qeverisje model, ç’ka do ndikojë në emancipimin edhe në qeverisjen problematike që ka shteti i Shqipërisë”.

Lexo edhe :   Sfidat e mëdha që ka përpara qeveria e Albin Kurtit

Publicisti e arkeologu Moikom Zeqo, duke bërë një paralelizëm me klasën politike në Shqipëri, mbetet shpresëplotë se rinia është ajo që do të bëjë ndryshimin. Për të, elita politike i ka dhënë provat se po shkon drejt rrënimit, e ndërsa rinia duhet të marrë nën kontroll levat e qeverisë.

“Shpresa nuk ekziston tek klasa politike, që e kam quajtur klasë parapolitike. Shpresa ekziston tek gjenerata juaj, tek rinia. Ketë që bëni si rini, duket sikur jeni në minorancë. Ose jeni pak njerëz idealistë. Botën e bëjnë njerëzit idealistë, që besojnë”.

Sa i përket politikave, marrëdhëniet Shqipëri-Kosovë dhe nismat rajonale siç është ideja e “Mini Shengenit” të Ballkanit, ide e hedhur nga kryeministri Edi Rama, presidenti i Serbisë Aleksandar Vučić dhe kryeministri i Maqedonisë së Veriut, Zoran Zaev, akademiku shpreh haptazi kundërshtinë. Për të, kjo është një ide e cila nuk duhet të gjej terren, pasi nuk mund të bësh një “Mini Shengen” me Serbinë, e cila në Kushtetutën e saj e ka të sanksionuar se Kosova është pjesë e Serbisë.

Lexo edhe :   Covid-19/ Rënie e lehtë e infektimeve, 20 viktima në 24 orë

“Unë e kam kritikuar “Mini Shengenin”. E para, emërtimi është i gabuar. Ballkani është edhe Mali i Zi, Greqia, është Bullgaria, Rumania. Greqia dhe Mali i Zi janë vende të NATO-s. Ne jemi vend i NATO-s. Nuk mund të bësh një “Mini Shengen” me Serbinë, e cila në Kushtetutën e saj e ka të sanksionuar faktin që Kosova është pjesë Kushtetuese e Serbisë. Kushtetutshmërisht, presidenti i Serbisë përfaqëson edhe Kosovën.

Marrëdhëniet Kosovë-Serbi, kanë vetëm një premisë. Nëqoftëse nuk realizohet, është një lojë fjalësh. Kush është kjo premisë? Njohja e pavarësisë dhe integritetit të Kosovës. Po nuk u realizua kjo premisë, të gjitha gjërat janë pa kuptim”.

TIRANA TODAY     

- Reklama -

Më shumë nga kategoria




Të fundit

E bujshme nga Italia, PSG nis bisedimet për Elseid Hysajn

Një lajm i bujshëm ka qarkulluar së fundmi në mediat italiane. Bëhet fjalë për mbrojtësin e Kombëtares shqiptare, Elseid Hysaj, i cili mund të...

Mutacionet e koron*virusit shkak për kontrollet kufitare Francë-Gjermani

Prej ditësh kjo temë po diskutohej. Në rajonin kufitar të Francës me Gjermaninë, Moselle është përhapur varianti afrikan i koronavirusit (B1351). Sipas të dhënave...

Covid-19/ Rënie e lehtë e infektimeve, 20 viktima në 24 orë

Kurba e koronavirusit në Shqipëri ka pësuar një rënie të lehtë, pasi në 24 orët e fundit janë regjistruar 764 raste të reja. Ndërkohë, 20...

Shqipëria, vila që fiton

Nga: Frrok Çupi A janë në realitet apo në obsesion?- kjo është çështja. Deri më sot slogani ishte ‘Shqipëria fiton’; ndërsa sot shtuan edhe fjalën...

Mbi 60% e rusëve nuk duan Sputnik V, e konsiderojnë Covid-in si armë biologjike

Pothuajse dy të tretat e rusëve nuk janë të gatshëm të marrin vaksinën Sputnik V të Rusisë dhe rreth i njëjti numër beson se...