Kryeministri Edi Rama, edhe një herë me anë të një videoje të postuar në “Facebook”, ka sulmuar kreun e opozitës Lulzim Basha, i cili në datën 21 qershor tha se Gjermania do të votojë kundër nesh për hapjen e negociatave.
Por Rama ka publikuar dhe një pjesë nga intervista e Michael Roth, ministër i Jashtëm i Gjermanisë, ku një ditë më parë tha: “Paqja dhe stabiliteti në Ballkan luan një rol shumë të rëndësishëm për të gjithë ne në Bashkimin Europian. Ne i vlerësojmë përpjekjet që të dyja vendet kanë ndërrmarrë për forcimin e shtetit ligjor, luftën kundër korrupsionit dhe krimit të organizuar. Qeveria gjermane është gati të mbështesë Shqipërinë dhe Maqedoninë në rrugën e tyre drejt Bashkimit Europian. Ne jemi gati që të dërgojmë një dritë jeshile dhe inkurajojmë miqtë tanë në Holandë dhe Francë që të na bashkohen”
Ai u shpreh se Gjermania e mbështet Shqipërinë, por Franca dhe Holanda janë pengesë.
“Efendilerët esadistë të Shqipërisë dhe Gjermania mike, jo më larg se dje paradite”, ka shkruar mbi video Edi Rama.
.
